السلالة الجنوب افريقية تنتشر بسرعة في تونس وحالة طوارئ في 18 ولاية…
السلالة الجنوب افريقية تنتشر بسرعة في تونس وحالة طوارئ في 18 ولاية…
نشر الدكتور زكرياء بوقرة تدوينة على صفحته على الفايسبوك اكد فيها ان السلالة الجنوب الافريقية في انتشار سريع ومقلق في تونس
وأضاف : لازمكم تعرفو ان السلالة هذه تحمل لتحول جيني يخلاها تهرب على مناعة الانسان
حاجة اخرى تخوف هي ان انتشارها في جنوب افريقيا صار في الشتاء متاعنا وكيما تعرفو الكرة ارضية الفصول فيها مقلوبة
معناها انتشرت في الصيف متاعهم
السلالة هذه والتحولات الي بش يزيدو يصيرو فوقها ينجمو يمثلو خطر على الانسانية بكلها وتنجم تطيح حملة التلقيح الكل في الماء
ما فما كان حل واحد والبلدان الي اتبعتو رجعت الحياة فيها طبيعية واقتصادهم ليوم مزدهر
الحل هو حجر صحي شامل متع شهرين وبعد نحميو الحدود بحجر اجباري لمدة 21 يوم للوافدين
هذا شنوة يقول العلم
يا بش نسمعو الكلام ونمنعو العباد يا بش نواصلو في العناد وبش نقضيو على البلاد
من جهة اخرى أفادت الناطقة الرسمية باسم وزارة الصحة الدكتورة نصاف بن علية أنه حاليا 18 ولاية من جملة 24 في تونس تشهد مستوى إنذار مرتفع جدا. وأكدت بن علية خلال زيارتها إلى ولاية القيروان أن الوضع الوبائي في تونس شهد إرتفاعا في عدد الإصابات تزامنا مع دخول سلالات متحورة من الفيروس إضافة إلى عدم إلتزام المواطنين بالإجراءات الوقائية.
وتنعقد الآن بمقر ولاية القيروان جلسة للجنة الجهوية لمجابهة فيروس كورونا بالقيروان، بحضور وفد من وزارة الصحة تترأسه نصاف بن علية لاتخاذ جملة من الإجراءات لكسر حلقة العدوى
