برهان بسيس للفخفاخ بعد خطابه:”سامحني شعبك التونسي ماهوش اربعة كعبات متع السياسة بش خاطبتو هكّا”

نشر الإعلامي برهان بسيس تدوينة على صفحته الرسمية بالفايسبوك انتقد فيها “الكلمة المتلفزة” لرئيس الحكومة إلياس الفخفاخ والتي توجه بها للشعب التونسي مساء اليوم الاربعاء.

واعتبر بسيس ان الكلمة كانت نخبوية ولم تلامس المشاغل الاساسية للشعب.

وفي ما يلي نص التدوينة:
سامحني سيد رئيس الحكومة شعبك التونسي ماهوش لربعة كعبات متع السياسة بش خاطبتو هكة بلغة الخطة الاستراتيجية وبرنامج الستة نقاط و التضامن الحكومي وازمة العالم الأخطر ما بعد الحرب العالمية الثانية…. معايدة استنى فيها الشعب الكريم كلام قريب منو… القهاوي بش تحل ؟ الجوامع بش تحل؟ التنقل بين الجهات بش يبقى هكة بترخيص ؟ فمة بحر؟ فمة سياحة؟ نطمانو على الشهاري؟ المنح الاجتماعية مازالت والا وفات ؟ المعامل والشركات الخاصة منعو؟ في الأخير وبمناسبة الكلمة الي كنت نسمع فيها للسيد رئيس الحكومة نحب نطلب من الاخوة السياسيين والاعلاميين والمحللين وكل المتكلمين بمختلف انواعهم بش يعتقونا من اكالجملة الكليشيه متع العالم بعد الكورونا لن يكون العالم قبل الكورونا…..راهي ولات ماسطة لاسطة كي عشية الأحد…..