سنية بن بلقاسم في تلميح للإعلامي #سمير_الوافي :

يبتز الفنانين و حش السجون و 🐎 الشاشة يعود بعمليات تحيل ضخمة

ايه يا سيدي اليوم باش نحكوا علي حصان الشاشة ووحش السجون كيفاش قاعد يتحيل علي الفنانين و يبتز فيهم
بدات الحكاية قبل شهر رمضان اتصل بي صحفي قالي معاه فريق كامل يخدم علي الصفحات لكبيرة منهم حصان الشاشة و انت اختار شكون يدعموك من الصفحات و كل صفحة علي حسب اشكون صاحبها تدفعلها كي يبدي صفحة كبيرة و صاحبها معروف تاخو عشرة ملاين و يكتب عليك صاحبها عشرة مرات بمعدل نهار بعد نهار في رمضان يبدي يشكر و يمجد فيك
و قالي انت راك داخلة جديدة لسوق التونسية و الحقيقة قاعد نسمع انه برشة يحضرولك في روحهم باش يضربوك
فكان تحب و تحس روحك برشة عليك خوذ كان الصفحة متاع خصان الشاشة و و حش السجون يرقلك امورك و يدز معك قدام الي قاعد يتحضرلك
الحق متاع ربي بكل ثقة في النفس جاوبتو
قتلو لو اجتمع الانس و الجن باش يضروني ما ينجموش يضروني كان بلي كاتبهولي ربي
و فوق هذا انا اعمالي ما تستحقش الدعم من حتي حد يظهرلي لا انت و لا غيرك وصلتوني لهوني و المسلسل باش يتعرض في التلفزة معنها الجمهور باش يلقاه قدامه كان عجبو تو يتفرج كان ما عجبوش تو ما يتفرجش عادي
و زيد ما نتصورش الي وحش السجون عندو عصا سحرية باش يعمي عيون الجمهور
قالي راك غالطة
قتلو انا مرا درت العالم و اكتسبت خبرة كبيرة من خدمتي في قنوات كبيرة و اليوم رجعت لتونس باش نحارب و ندافع علي الفن ما نجمش ندخل في حكايات كيف من هكا
قالي ربي معك
و كنت فرحانة و انا نحارب في المرتزقة كنت شايخة في رمضان علي اخر و انا هذا نحقروه و هذا نسبوا و هذانرجعوا لحجمو كنت شايخة محلاه كان شهر رائع و انا ندافع علي حاجة نحبها و نأمن بيها عطيتها و عطاتني
و المهم ما دفعتلهم حتي فرنك كلبوا و هم يبتزوا في و انا شايخة عليهم و فرنك ما تاخذوشي مني يا متحيلين
و في الاخر خسروا جميعا و فرحة بنجاح العمل متاعي و الي حبوا يعملوه في باش يضروني نفعوني بيه 😂😂😂😂😂 لذلك رد بالك يا فنان يتحيل عليك وحش السجون و حصان الشاشة و يقنعك انه هو السبب في نجاح حفلتك في قرطاج
ما تغلطش يا فنان. قرطاج طلعت عليه بعد تعب و جهد سنين وحدك الجمهور جاك لقرطاج باش يتفرج فيك خاطرك عجبتو و امتعتو جا يستمتع معك
رد بالك يا فنان يتحيل عليك وحش السجون و حصان الشاشة و ينحيلك فلوسك بعد ما تسكرت في وجهو باب النسا و رجال الاعمال دورها فنانين
يتحيل بحجة ندعم فيك رد بالك ربي وحدو الداعم و المبارك رد بالك تصدقها حكاية الابتزاز الي يعمل فيها رد بالك يحصلك المتحيل”