جوهر بن مبارك يحذر قيس سعيد من هذا المخطط

حذّر أستاذ القانون الدستوري جوهر بن مبارك ، رئيس الجمهورية قيس سعيّد من انقلاب ما أسماها الماكينة عليه و التي ستهز تونس من انقلاب إلى انقلاب.

وكتب بن مبارك في تدوينة على صفحته بموقع “فيسبوك” ،اليوم الاثنين 20 سبتمبر 2021، مخاطبا رئيس الجمهورية بقوله: “في مرحلة أولى يدفعوك باش تقوم بالدور اللي عجزوا عليه و هو تعطيل القوس الديمقراطي (اللي هو بيدو يعكّز) و قد تمّ ، وبعد يدفعوك وينفخو في صورتك باش تصفي المسار بالكامل (الغاء الدستور حل الموسسات المنتخبة، احتكار السلطة و مركزة المسوؤلية في شخصك…) و ترتكب الأخطاء تباعا في تعطيل الدولة و تعميق الأزمة السياسية و الإقتصادية و المالية ،جاري العمل”.

و أضاف بن مبارك: “في مرحلة ثانية وهي اللي بدأت بالتوازي تو باش يأسّسو على اخطائك و الورطة اللي هزيت ليها البلاد سردية جديدة سردية الفشل و العجز و التردد و عدم القدرة على التسيير وعدم المعرفة بالدولة و أمور تسييرها (وهذه حقيقة) و تخدم ماكينات دعائية و اعلامية و اقتصادية و حزبية على تغير الراى العام تدريجيا. بدات”.

وتابع بن مبارك: “في الأخير تلقى روحك معزول ومستهدف و تكون المعادلة تغيّرت و تخمّرت الطبخة و يهزّو الأمور للفاشية النوفمبرية (امّا بوجهها السياسي المعروف أو خصيمها الأمني او العسكري المتقاعدين) اللي قاعدين يعاودو يظهّرو فيها بكثافة وباش تمشي و تزيد (سبر آراء، محطّات اعلامية كبيرة صحف…).انت و همّتك”.