هذه الصورة التي قلبت الطاولة على الترجي و شوشت صورة تونس !!

الفاشل هو السبب الرئيسي في هذه الكارثة. عندما يدير الدولة الهوات هذا ما يحصل والان يريد التجارة بالترجي للانتخابات

وقت تهبط فرقة مختصة مدججة بكامل أسلحتها ومنها السلاح الهجومي وعناصرها ملثمة وببدلات عسكرية قتالية تقول داخلة حرب على أرضية ملعب كرة قدم  لمجرد الاستعراض الطفولي… يلزمك أولا تلوم روحك..
لأنها هاذي مظاهر ما تشوفها عادة كان في البلدان الي فيها حروب أهلية أو على الأقل عدم استقرار كبير وهي توري للعالم وتأكدلوا الي فمة مخاطر أمنية كبيرة..
ووقت فمة مخاطر أمنية كبيرة العالم الكلو يستنتج الي البلد غير آمن بالنتيجة…
وهذا يتجاوز الماتش ويؤثر حتى على السياحة الخ الخ…
وبقطع النظر على المباراة في حد ذاتها والسبب الحقيقي لإعادتها..فإنها الصورة الي تروجها على بلادك رهينة بقرارك كمسؤول..
المسؤولين كانوا ينجموا يهبّطوا ألف والا ألفين عنصر من الحرس الرئاسي والا حتى يهبطوهم الكل بالكوستيم والكرافات ويؤمنوا الموقع على أحسن وجه من غير ما يفيق حد بسلاحهم ولا بوجودهم أصلا..
ووقتها حتى حد ما كان ينجم يقول بلد غير آمن وإلا عندهم مشاكل أمنية..لأنو حتى الجمهور ما اكتسحش الميدان وحتى حد من الضيوف ما تعرض لخطر مباشر..
وحتى الكاف كانت ربما تلوج حجة أخرى واحتمال ما تلقاش وتعاقب الفريق المغربي لرفضوا اكمال المباراة..
اما انك تختار مواصلة التغفيص..وتخلط الفسفاط بحبوب الهلوسة في مؤامرة كونية وتلعب على اثارة الشعور بالمظلومية لتحويل الموضوع لعركة حول الكرامة الوطنية.. فإنك تكون سياسي غير مسؤول دخلت في بئر ارتوازية عميقة وماكش ناوي تخرج على قريب..

منقول عن سامي بن سلامة