مهدي جمعة يكشف: “لهذه الأسباب كان معي أبنائي حين قدمت ترشحي للانتخابات الرئاسية”
كشف رئيس حزب البديل التونسي مهدي جمعة عن سبب اصطحابه لأبنائه اليوم حين تقديمه لملف ترشحه للانتخابات الرئاسية المبكرة وقال حبيت نكرّمهم بطريقة رمزية”.
وتابع جمعة في تدوينة على صفحته على شبكة التواصل الاجتماعي”اليوم حبيت يكونوا معايا أولادي خلال إعلاني الترشح للانتخابات الرئاسية 2019 لعدة أسباب من اهمها اني حبيت نكرمهم بطريقة رمزية على خاطر تعبوا معايا برشة في ال8 سنين الأخيرة بسبب العمل السياسي خاصة بعد اعلاني تأسيس البديل، وقت الي انا نتعرض للتشويه والشتم والإشاعات … الناس الي تهتك الأعراض ما يفكروش انا قبل ما نكونوا سياسين احنا مواطنين عندنا عائلات وعندنا صغار. .. أولادي كيما أطفال تونس الكل هوما في تواصل مع العالم ويشوفوا كل شيء، يشوفو الإشاعات الى تطلق على بوهم، هاو بوهم صهيوني ها بوهم أصلوا إسرائيلي، هاو وبوهم باع تونس لفرنسا وباع ثروتها هاو بوهم عندو كيوسك طوطال وقافلة التشويه والإشاعات لا تنتهي ….أولادي كانوا يتأثروا ويتقلقوا … مفماش حتى صغير يحب يشوف كلام خايب على بوه.. لكنهم كانوا شجعان وعمرهم ما حبوا يوريوني تأثرهم وكانوا ديما يحبوا ياقفوا معايا ويحسبوا أرواحهم مشافوا شيء وما سمعوا شيء…“
وقال مهدي جمعو”أحنا قررنا نخوضوا معركة الإنتخابات بنظافة وبشرف وهدفنا خدمة تونس وخدمة مستقبل صغارنا و كل ما تعرضنا ليه ماهوش باش يثنينا على القيام بالواجب متاعنا…نحنا ناس نحبوا تراب البلاد هاذي ونحبوا النجمة والهلال وباش نقدموا طرح سياسي بديل وباش نحاولوا نخرجوا من المستوى السياسي الرديء..معملين على ربي ومعملين زادة على برنامج اقتصادي واجتماعي وثقافي يحترم عقول التوانسة ويقدم حلول ملموسة باش ننهضوا ببلادنا ونرجعولها بريقها ونخلوا رايتها ترفرف الفوق، معمل زادة على خيرة من نساء ورجال تونس وكفاءاتها..“
