طالبة تونسية من داخل قبو .. نحن لوحدنا في أوكرانيا و بلدنا تخلّى عنا.

الخبر : طالبة تونسية من داخل قبو .. نحن لوحدنا في أوكرانيا و بلدنا تخلّى عنا.

شوية تعاليق :
قول لبوك إلى بعثك تقرى بالفلوس في أوكرانيا يشري طيارة ويروح بيك لبلادك و نقص من التزعبين متاعك

„Yakhi hazînek bessif wokhaiti mak theb ta3mel medcine b 10 mo3del ochrob tawa“

‎„و انت ما فيبالكش اللي باش تقوم حرب يزيو من لغة الدولة تخلات علينا“

‎„اشكون قلك اقري البر وسيبي بلادك“

و غيرهم من التعاليق بالآلاف متع شماتة و حقد و فرحة بمصايب الغير و تصفية حسابات مع ناس في حالة حرب و حالة هلع و كارثة .

مشى فيبالي إنو الفرح بالمصايب مرتبط بالشخصيات العامة .. يفرحو بمرض الغنوشي ولا بموت محرزية العبيدي ولا كي نور شيبة يدخل للحبس .. لكن للأسف هرمون السعادة عند برشا مواطنين في تونس ولا مرتبط بمصايب الآخرين مهما كان مركزهم حتى لو كانوا أبرياء لا عملت يديهم و لا ساقهم ..

الكره و البغض انتشر و الحسد و الحقد تمدد و قبل كانت لعباد تخبي مشاعر كيما هاذي لكن اليوم الناس معادش تحشم بأمراضها النفسية و تخرجها للعلن و تستمتع بممارستها.