صرخة استاذة :” تلميذ متغيب عام كامل و المفروض يتم شطبه نجحوه … انتوما ما نجحتوش خاطركم زواولة وحدّ ما تكلّم عليكم.”

كتبت الاستاذة سامية  التيساوي ما يلي : اليوم مجالس الاقسام للسنوات الأولى في معهدنا. مبروك لتلامذتنا الناجحين وإن شاء الله فرصة أخرى للراسبين.

فقط حبيت نوصّل رسالة لثنين من تلامذتي ونتمنّى توصللهم. يؤسفني إعلامكم إنكم ما نجحتوش موش على خاطر المعدّل ضعيف ومجهودكم ما وصّلكمش. لا موش هذا السبب خاطر غيركم مستواه أقلّ من مستواكم ومتغيّب عام كامل والمفروض يتمّ شطبه لكنو نجح. انتوما ما نجحتوش خاطركم زواولة وحدّ ما تكلّم عليكم. خاطر حتى حد ما وصّى عليكم باش تتبدّل أعدادكم في آخر لحظة كيفما يصير مع برشا تلامذة … أعتذر منكم تلامذتي.أقسم بالله خرجت نبكي خاطر إلّي صار ظلم في حقّ إلّي ما عندوش واسطة

اللّهمّ إنّي بريئة من التجاوزات والمهازل إلّي قاعدة تصير.

▪︎ملاحظة 1 : صور الروجيستر تثبت انّ أحد النّاجحين متغيّب عام كامل

▪︎ملاحظة2 : بعض الزملاء قالولي الخنّار هذا نعرفوه وما

نعلّقوش تفاديا للمشاكل

▪︎ملاحظة 3: ما عنديش ايّ خلاف مع التلميذ المتغيّب عام كامل ونجح لكن طالما تحبوها زريبة اعدلوا على الأقلّ.