المحلل رياض جراد يرد بسخرية على منتقديه بسبب زله لسان

الغبي.. انا أشير الى القمر و هو ينظر الى إصبعي :
عاد يا سيدك يا بن سبدك و باش منفوتكمش بالحديث ، ماهو البارح في بلاتو RDV 9 على قناة التاسعة و في قراءة لزيارة هشام المشيشي لفرنسا وتصريحاته الصحفية الكارثية المهينة اللي إعتبر فيها شباب تونس اللي هاجر عبر قوارب الموت نتيجة الفقر والبطالة والحيف الإجتماعي إرهابيين
انا قلت إنو الزيارة كانت فاشلة على جميع المستويات و هي بمثابة إهانة لتونس و ضربت بعض الأمثلة السابقة عن إستقبال يوسف الشاهد مثلا من قبل الرئيس الفرنسي ماكرون وفي زلة لسان قلت إنو مهدي جمعة أيضا إستقبله الرئيس ماكرون…
عاد “الوسادة” توقفوا عند زلة اللسان تلك و خدموا ماكينتهم قال شنوا الفرخ (معقدين مالعمر كالعادة) يتفيسخ على هشام المشيشي كيفاش إستقبلوه في فرنسا و قلك المهدي جمعة إستقبلو ماكرون لما عمل زيارة لفرنسا و إنو الفرخ (اللي هو انا ههههه) مايعرفش إنو مهدي جمعة غادر القصبة في فيفري 2015 و ماكرون ربح الانتخابات الرئاسية في ماي 2017.
الى حد الآن عادي و منتظر لأنهم يسبوني و لكنهم من المتابعين الأوفياء ليا ههههه و يلوجولي على أي غلطة أو زلة و هذا جيد و يسعدني على فكرة..
لكن الأغبياء ما فاتهم إنو مهدي جمعة صحيح ما إستقبلوش الرئيس ماكرون و لكن وقتها إستقبلو الرئيس هولاند ، يعني في كلتا الحالتين يا أغبياء إستقبلو الرئيس الفرنسي .
بروا ليلتكم زينة..
ربي يسلم قرايتكم..
مع حبي ❤❤