“الكسكروت التونسي”
أغلبكم يعرف هذه الأكلة الشعبية أما ميعرفش أصلها.
قالك فما راجل في 1898 أسمو بنون يهودي تونسي يسكن في جربة. راجل فقير مسكين ميخدمش يعيش بلي يتصدقوه عليه لعباد في الحارة النهار وطولو قاعد في شارع جاي مبين نهج باشا باي و رشيد باي مقابل صايغي معروف برشا في الوقت اذاكا اسمو عطية .
اكا بنون مسكين فطورو وعشاه خبرة يقسمها على ثنين
فد مسكين مالخبز نهار وطولو ياكل فيه
مرة دبر كعبة طماطم حطها في الخبز .عجبتو الحكاية قعد كل مرة يدبر حاجة مرة بصل مرة زيتون مرة فلفل مرة سردينا.
مرة بنون مشا ياكل في كسكروتو قدام الصايغي عطية وهو يتبنن فيه شافو الصايغي قالو نهار وطولو وأنت تتبنن فيه هل كسكروت اعملي واحد وخوذ صوردي.
من يومة غدوة مشا عطاه كسكروتو ياخي عجبو ياسر الكسكروت قالو كل يوم اعملي كسكروت وخوذ حقك.
من وقتها بانون تشهر في المنطقة متاعو ولت الناس لكل تشري منو وبدا يلم فل لفلوس وعمل نصبة ولا يبيع فاها مبعد عمل أول حانوت في جربة اسمو ” مع بنون البنة متتنساش”
بنجاح الوصفة متاعو تشهر الكسكروت التونسي خاصة عند اليهود التوانسة.
وبنون هو بيدو أول واحد عمل البريكة بالعضمة
مبعد بنون هبط لتونس العاصمة وعمل حانوت اسمو
Chez banon
من وقتها بدا يتشهر اكثر وبدات تزيد الحوانت حتا توا
فما حانوت من حوانتو في البساج اسمو مانينو وهو حفيد بنون.
تاريخ “الكسكروت التونسي”
