برهان بسيس “يستفز” سمير الوافي على المباشر بسبب الترجي..

نشر سمير الوافي تدوينة :

كالعادة صديقي العزيز برهان بسيس لا يضيع أية فرصة لإستفزازي مستغلا أزمة الترجي…كلما تدخلت في برنامجه لمدة دقائق في موضوع لا علاقة له بالكرة…وهذا ما دار بيننا صباح اليوم عندما إستضافني في ifm عبر الهاتف :

برهان : صوتك موش عاجبني سمير…يظهرلي قايم م النوم توة وسهرت برشة البارح…قالولي فريقك المفضل ولى يحتفل بالأعراس موش بالبطولات والألقاب…والبارح انت كنت تحتفل معاهم في عرس…ياخي عوضتو البطولات بالعروسات !؟؟

أنا : والله يا برهان ديما نتفكرك…صحيح الترجي العام هذا ما هزت شي في الفوت…أما أنا نقول الزح أحنا عام واحد ما هزينا شي رغم واصلين لنهائي الكاس وربع نهائي كاس افريقيا وألقاب في فروع أخرى وصار فيا هكة…ستراس وقلق وأرق وغش وألم ونوم هارب وحزن…مسكين صديقي برهان قداش عانى وتعب وكيفاش عايش في المعاناة هذي سنوات وفريقو ما هز شي عندو أعوام موش عام واحد…والله خممت فيك يا برهان خاطرك صاحبي وسخفتني وحسيت بيك كي جربت المعاناة متاعك عام واحد…!!!

برهان : تي ايه أحنا قلناها من هاك العام ” عشقنا الافريقي وما عشقناش التيتروات ” ومتصالحين مع رواحنا…أما انتوما توة دورتوها عروسات وما عندكم باش تحتفلو…وقالولي الناس تسأل في بعضها ” عندكش استدعاء للعرس ” وتلوج على دعوات…!!!

أنا : عادي يا برهان هذاكة عرس ولد رئيس الترجي ربي يهنيه…إحتفل برشة ببطولات والقاب هزتهم الترجي سنوات طويلة وديما مفرحنا…ومن حقو اليوم يفرح بولدو…وخاطر الجمهور يحب رئيسو اللي حافظ على جمعيتو وديما مفرحهم فعادي يفرحلو ويفرح معاه…

برهان ضاحكا : شفت كي عطيتك الفرصة…مبروك وربي يهنيه طبعا…!!!