برهان بسيس :البنالتي غالطة خاطر خايفين من جمهور الافريقي لا خايفين من حتى حد

شوف بكل وضوح….. ما تضيعوش مجهودكم في البحث على بيلنتي اليوم صحيحة والا غالطة…. هذا تضييع وقت غبي…. يا سيدي غالطة… أما الدرس الي يلزم يتعرف هو انو الجمعية هاذي لا تخوف على خاطر فلوسها والا رئيسها والا إدارتها… هاذي جمعية تخوف على خاطر شعبها وجمهورها… اي نعم جمهور الافريقي قضية امن قومي لا قضية جامعة ولا صادق السالمي ولا بطولة ولا كأس…..الله غالب احنا هكة نخوفو بجمهورنا من بنزرت لبنڨردان وبفضل جمهورنا هذا الافريقي تمرض لكن ما تموتش….واضح هكة والبنالتي غالطة خاطر خايفين من جمهور الافريقي لا خايفين من حتى حد ومن فلوس حد خاطر بطبيعتنا فالسين……وعلى فكرة راهو ما حقهمش البعض ملي يكرهو الافريقي كانو يضحكو علينا قال شنوة بش نلعبو دربي مع المحمدية….. احنا نتشرفو بالمحمدية ومكثر والحزڨ وحزوة وشنني… هذاكة علاش محبوبين مالشمال للجنوب…….حظ سعيد للبقلاوة موش منا يا باردو راهو مالفريق المعطاء متع الميثاق الرياضي……