كتبت: القاضية كلثوم كنو
يا سيد رئيس الحكومة راك غالط وراك قاعد تشجع على خرق القانون وكلامك خطير برشا، أنت أيضا أخليت بواجبهم كان عليك تصدر مرسوم تلغي به مؤقتا الفصل 25 من النظام الداخلي لمجلس نواب الشعب حتى يتمكن النائب من ابرام صفقات مع الدولة
لكن من غير هذا انت قاعد تعطي في فرص للبعض باش يخالفو القانون ويستغلو الفرصة باش يحتكرو السوق…ومن غير ما تبرر خطأ وزير الصناعة وأيضا خطأ النائب
يا سيد رئيس الحكومة موش باسم الحرب على الكورونا نسيبو الماء على البطيخ
كيما نحاربو الفيروس الي يهدد حياتنا نحاربو ايضا الفساد الي هو أيضا فيروس ينخر اقتصاد البلاد والي يخليك يا سيد الحكومة غير قادر نهار آخر تتصداله وتنجم تنهض بالصحة وبالتعليم وغيرها
تحياتي وسلامي لك سيد رئيس الحكومة ولدولة القانون الي تحضر وتغيب…
