الأزهر الضاوي: “هز علينا انتخاباتك و معاهم استفتاءاتك، بوعسكر و جميع هيئاتك، لا نحبو صنادق لا حكك، حل علينا فك”

بعد 48 ساعة من الإعلان عن نتائج الانتخابات التشريعية التي كانت بنسبة 8.8% لتصبح مساء اليوم الإثنين 19 ديسمبر بنسبة 11.22%، نشر الأزهر الضاوي شاعر المناجم ما يلي على صفحات التواصل الإجتماعي :

“-” حل علينا..؟؟؟”–

حل علينا..فُك..فُك..
وارحل.. لاحس ولادْبَك..؟؟
تحمُلنا ياسر يزّينا ..
ملا “دولة” متاع عكُك..!!
اللي يجي يكلّخ علينا..
يحلّلنا في الصحراء جْنينة ..
تتحقق فيها أمانينا..
ووقت الجديّات يبُك..!!
وفي الواقع أحنا تعرّينا..
تدمّرنا..ياسر تشوينا..
صارلنا كيف السردينة..
صادوها ووقعت في شرَك..
..لكن حلينا عينينا ..
وماعاد تعدّيها علينا..
وقعدولك يمكن “طزّينة”..
فيها الطماع و”المدك”..
..هز علينا “انتخاباتك “..
ومعاهم “استفتاءاتك”..
“بوعسكر”.. وجميع هيئاتك ..
لا نحبو “صنادق” لا “حكك”..؟!!
تهز “الضب”..
وبنادير “الطّرطَب”..
وتعلُم كيفاش تحسب ..
“ثمنية ..وراها ثمنية تحُك”..؟!!
حل علينا..فك..فك.؟؟؟”.