أسطورة البراندي التونسية ” البوخة بوخبزة” المشروب الكحوليّ الأقدم على الإطلاق في تونس

أسطورة البراندي التونسية ” البوخة بوخبزة” المشروب الكحوليّ الأقدم على الإطلاق في تونس
شنوة البراندي وشنية البوخة بوخبزة ؟

البراندي هو مالمشروبات الكحوليّة الي تعتمد صناعتها بالأساس علي عمليّة تقطير النبيذ و من بعد تتم عملية تعتيقو في برامل لوح و عمليّة التعتيق تطلّب برشا وقت توصل لاعوام طويلة الي خلى برشا شركات تتلز تبيع نوعية البراندي منغير ما يعتقوه وانما يمزجوه بملونات des coloron الكراميل ومنكهات تقرب طعمتو للبراندي المعتق الطبيعي وفي الحالة هذي يرخص سومو وفما شركات اخرى تعتمد طريقة صنع مختلفة يمزجو بين الطريقتين عبر التعتيق لمدة قصيرة من بعد يزيدوه ملونات الكراميل ومنكهات لوين يتحصلو على منتوج نهائي مناسب من حيث السعر والجودة

البراندي مشروب كحولي تتراوح فيه نسبة الكحول بين 30ل60% عمليّة تقطير هالمشروب تستند لنواتج تخمير تفل العنب ولا تفل التّفاح ولا أي نوع من أنواع الغلة من أصناف البراندي في العالم “الكونياك “المصنوع أساسًا من تقطير نبيذ العنب وبالنسبة للاختلاف بينو وشقيقو” الوسكي” الفرق الوحيد “الوسكي” يتصنع من تقطير الحبوب ( الشّعير ،القمح ،الذرة الخ) والبراندي يتصنع من تقطير الغلة و أهمّها العنب

نجيو للبوخة بوخبزة هي صنف من أصناف البراندي وهو مشروب كحوليّ تونسيّ 100%من ” ماء الحياة ” Eau-de-Vie أو “Aqua Vita” يعتمدو في عمليّة صنعو على تقطير التين الكرموس و تخميرو كي غيرو من أصناف البراندي كيما “شنابس” في ألمانيا و “التيكيلا ” في المكسيك و”الفودكا” في روسيا و”البوخة” في تونس
بوخا برشا قصص لشرح كلمة “بوخا” اشهرها معناه” بخار الكحول ” في اللهجة اليهودية العربيّة لكنّ الموقع الرسميّ للعلامة التجاريّة يمشي لتفسير الاسم ويؤكد أنو يعقوب بوخبزة مولى البتيندا(صاحب العلامة التجارية )و مبتدع هالصنف مالبراندي وقت ما اختص في انتاج براندي التين (الكرموس) سماه بشكل طبيعي فودكا وتكتب بحروف السيريلية الروسية водка غير أنوّ التوانسة لجهلهم باللغة الروسية ما نجموش ينطقوها ويقراوها بشكلها الصحيح فخرج اس”بوكا” من بعد” بوخا”

وبوخبزة : هي عائلة يهودية تونسيّة تنتسب ليعقوب بوخبزة مبتدع منتوج البراندي العالمّي فارتبط لقب العائلة طبيعيا بالمنتوج
في روسيا عام 1815 يعقوب بوخبزة يقوم بتقطير الكرموس و ينتج لأوّل مرة مشروب البوخة لكن مناخ روسيا مكانش ملائم بما يكفي لإنتاج الكرموس عام1816 قرر باش يلوج على مناخ أكثر اعتدالاً و قرر يعقوب بوخبزة السفر جنوبا وهز معاه مشروعو وحلمة كبيرة وتوجه لتونس في عام 1819استقر في تونس وفي عام1820 كان ولادة العلامة التجارية بوخة بوخبزة من عام1820 لعام 1860 يعقوب يعلّم أولادو “ليون” و “شالوم” كيفية إنتاج البراندي مالكرموس و ينقللهم خبرتو وفي عام1870”ابراهام “بوخبزة ولد “شالوم “وحفيد يعقوب يجعل تقطير الكرموس صنعة و اخترع طريقة جديدة اكثر حداثة في صناعة البوخة
في1880استقر ابراهام في سكرة تونس العاصمة و افتتح أوّل مصنع للبوخة بوخبزة ويصبح المشروب الوطنّي الأوّل في تونس

البوخا هي منتوج تونسي أصيل تقريبا غزا كامل أوروبا تحت نفس المسمى بفضل اليهود المستقرين غادي
الـ Boukha Soleil متاع بوخبزة و الـ Boukha Oasis متاع فيليكس حبيب كانوا هوما الماركات المشهورة
في سوسة والمنستير بوخا Zana و بوخا Asfour هوما الأفضل و بوخا Téléphone متاع عائلة بِسِيس Bessis
الآتيكات تقول البوخا تتشرب cul sec( كريرو )في كاس طرابلسي
تشين!