قصيد الشاعر المبدع لزهر الضاوي :
- “تونس.. و نيجيريا “..؟؟؟*-
.
نيجيريا..نيجيريا…..
” حنّانة ” ماني خوكم”..؟
بجاه “الفقر والميزيريا”..
…خلّونا نربحوكم..؟؟
خلونا نربحوكم..
حتى “واحد /بلاش”..؟؟
وفوق روسنا نحطّوكم..
مزيّة.. ماننسوهاش..
ياسر رانا نحبوكم..
ما تلْعبونّاش بِ “احداش”..؟؟
ووقت الْ نجرو نفوتوكم..
انتم.. امشوا “دادّاش”..؟؟
و”شوطتنا” كي نهاجْموكم..
بربي.. ما تشدّوهاش..؟؟؟
بجاه الله يرحم بوكم..
عنا سنين.. ما فرحناش..؟؟
قدّاش رانا نعزّوكم..
من “المرسى” ل”بني خداش”..
زورونا ونزوروكم..
عِشْرتنا ما توفاش..
وكيف تجونا نودّوكم..
ب”دقلة توزر ودقاش”..؟؟؟
نيجيريا..نيجيريا….
تخزرلي هكّة… لواش؟؟؟؟
مقالات ذات صلة
-
-
-
-
-
-
-
-
