في تدوينة على الفيسبوك مايا القصوري تفضح هذا الاعلامي المشهور

مايا القصوري تفضح هذا الاعلامي المشهور

في تدوينة لها عبر حسابها الخاص على الفايسبوك، كتبت الاستاذة مايا القصوري تدوينة تهاجم فيها الإعلامي سمير الوافي وتصفه بالكاذب، وهذا ما جاء فيها :

” الحاصيلو ما نطولش عليكم تفرجت في فيديو متاع Gad El Maleh يحكي فيها على مناقلو الغالين الي تسرقو و فرحان كيفاش قعدتلو كان المنقالة الرخيصة الي هداهالو ولدو و قالك عمك Gad هذاكة الفرق مابين الvaleur و الprix ، عاد انا هكاكة شايخة على حكاية Gad ومناقلو و تعرضني ستاتو يحكي فيه الوافي على مناقلو الغالين الي تسرقو و فرحان كيفاش قعدتلو كان المنقالة الرخيصة الي هداهالو بوه الله يرحمو و قالك عمك الوافي هذاكة الفرق مابين القيمة و السعر..”.

وأضافت مايا القصوري :

” حد ياخذني على قد عقلي و يفسرلي فقط شنوة الغاية انسان في عمرك و (كاريارك) و طولك و طلطولك تستهبل في عقول الناس و تنسب لنفسك حكايات ماهمش حكاياتك و زيد يستعمل فيهم بوه الله يرحمو كشخصية رئيسية و ينسبلو ما ليس له هذا الكل على شوية جامات ؟؟؟
و تابعت احنا جبورة معناها ؟؟ ماهيش باش تعرضنا الفيديو؟؟ و ما نعرفوهش Gad و ماناش باش نفيقو بيك و سوف نصفق انبهارا لساعاتك الثمينة الي ما فماش منهم و للعبرة الي خرجتلنا بها و زيد تقريلنا فيها..”.