رؤيه تحليليه عميقه للصاروخ الصيني الهائم في الفضاء.

وزن MOAB ( أم القنابل ) الاميريكية .. حوالي 8.5 طن.
وزن FOAB ( أبو القنابل ) الروسية .. حوالى 7 طن.
وزن القنبلة النووية اللى ضربت هيروشيما .. حوالي 4 طن.
.
.
الصاروخ صاحب المدى الاكبر على الاطلاق فيما اعلم هو الشيطان الروسي R-36M اللي مداه 16000 كم .. طوله 25 م و وزنه حوالي 200 طن ..ومن قبله الصاروخ الامريكي اطلس اللى كان مداه 16666 كم واتصنع خصيصا للوصول لقلب الاتحاد السوفييتي ايام الحرب الباردة لكنه خرج من الخدمة فى الستينات وتبعه انواع تانية ..
.
دلوقتى احنا ادام صاروخ وزنه المجرد 10% من وزن الشيطان الروسي .. بقاله كام يوم بيدور حوالين الارض ودا معناه ان مداه اضعاف اضعافه .. وحمولته بتوصل لـ 22 طن ( اضعاف اوزان القنابل اللى ذكرته ) ..
.
.
والغريب فى الموضوع ان الصاروخ مفروض يكون متبرمج على انه يسقط فى منطقة معينة فى المحيط المفتوح بعد اتمامه المهمة حتى لو خرج عن السيطرة .. زى اى صاروخ تاني بيقوم بمهمات فضائية خارج الغلاف الجوى .. لكن دا محصلش ..
.
مش متأكد يقينا ..
بس المعطيات دى بتقول انه (( وارد جدا )) يكون مناورة من الصين اشبه بالتجارب الصاروخية الاعتيادية لكن بطريقة محدش يمسكها عليها ..
.
الصورة بتوضح المسارات اللى سلكها الصاروخ حول الكرة الارضية .. و زى مانت شايف تقريبا مفيش دولة فى العالم الا ومر من خلالها ..
.
.
.
تعديل :
هرد على السؤال الشائع بحكم تخصصي ..
هو جاب وقود لكل دا منين ؟ وهل لسة فيه وقود اصلا ؟!
بص يا سيدي .. كل ما بترتفع عن الارض كل ما كثافة الهواء بتقل وبالتالى مقاومة الهواء بتقل هى كمان .. فاكر وانت صغير كنت بتخرج ايدك من شباك العربية فى الصيف عادى .. فى الشتاء بتلاقى الهواء بيزق ايدك جامد لدرجة انه ممكن يكسرها .. دا لان كثافة الهواء البارد اكبر وبالتالى مقاومته اكبر ..
طيب الصاروخ برا الغلاف الجوى اصلا !! دا معناه انه فى فراغ .. مقاومة الهواء صفر .. وكدا مش فاضل غير انه يتغلب على الجاذبية ..
بس خد بالك انه بيدور بسرعة عالية جدا جدا جدا حوالين الارض .. دا بيولد قوة طرد مركزى بتدفعه فى اتجاه معاكس للجاذبية .. زى الهدوم فى الغسالة كدا لما تيجي مرحلة العصر حلة الغسالة بتدور بسرعة كبيرة جدا فالهدوم بتتأثر بقوة طرد مركزي تخليها تبعد عن سنتر الغسالة .. لكن الحلة بتمنعها وفى نفس الوقت الحلة فيها ثقوب كتير بتسمح للمية اللى فى الهدوم انها تسيب الهدوم وتمر من خلالها ..
طيب هل الصاروخ لسة فيه وقود ؟!
غالبا أه .. والسبب ان مسارات الصاروخ مش عشوائية .. دي خاضعة لدالة معرفة ودا معناه انه لسة خاضع لتحكم الكنترول يونت بتاعته واللى بلا شك مبرمجة على توفير الوقود وبتقدر تتحكم في توجيهه عن طريق التحكم في معدلات حرق غرف الوقود المختلفة.
.
تعديل 2 :
معرفش ازاى فيه ناس فهمت انى بربط بين القوة التفجيرية للقنابل المذكورة فى اول البوست وبين الصاروخ بما فيه من وقود .. دا لو وصل للارض اصلا ..
يا سادة انا ذكرت اوزان القنابل دي علشان اقولك انه ممكن تحميله بيها .. مش علشان اربط بين قوة الانفجار فى الحالتين ..
منقول