خطير/ حذاري من “الحوت المربي” وخاصة الوقة والقاروص وغيرهما..
” كان تعرفو الوراطة والقاروص المربي فاش قاعدين يوكلو فيهم الا ما تحلفو لا عاد تشريوهم كي كونو بلاش !!!!
مانيش باش نحكيلكم على ريش الدجاج المرحي و المهدرج لا الساقين بالظوافر لا الجلدة لا العظومة لا القرون لا قشرة العضام اللي الكلو يترحى و يولي فارينة حيوانية خاطر انجمو نعتبروهم مواد عضوية المشكلة موش غادي
المشكلة سيدك بن سيدك في الدم !!! اينعم الدم و مشتقاته من فارينة البلازما البلاسنتا و غبرة الهيموغلوبين اللي هوما ممنوعين في بلدان الاوروبية من عام 2002 وفيبالكم بالدجاج والدندون والهرمونات المستعملة في تربيتهم والدمومة متاعهم كيفاش تتشيح وتولي فارينة
و من غير ما نذكرو اسامي معامل الدجاج و كباراتهم اللي ما يلوحو حتى شي الكلو يترحى ويزيدوه الزيوت على كل لون يا كريمة ( باش العلفة تتلم و ترزن وتهبط في وسط الكاج القفص و ميهزهاش التيار البرا مالقفص ) هذاكا علاش كعبة لوراطة كي تشويها تبدى تخرج في الزيت تقول مقلية مش مشوية و مطعمها مزخم.
هذا من غير مانحكيو عل الاونتيبيوتيك والدوايات الكيمياوية اللي تتعطالهم كل شهر وكل 3 شهور..
