بالنّسبة إلّي ما يعرفش شمعنتها date valeur :
كيف تتصبّ الشهرية عادة، ثمة مدّة يلزمك تعدّيها ومن بعد تجبد.. المدّة هاذي تتراوح من سويعات حتى ل24 ساعة (حسب البنوك وحسب نفس البانكة كذلك)..
يعني كيف تجبد شهريتك والـdate valeur مازالت ما تعدّتش.. عبارة أنّك متسلّف من عند البانكة موش تجبد من شهريتك.. بعبارة اخرى كيف الروج بالضبط وتتنحالك من بعد agios توصل حتى للـ20د أو أكثر أحيانا..!!
بالنسبة للصبّان بالجمعة.. كيف تعدّي date valeur تلقى روحك في السبت.. في حين أنّ السبت والأحد البنوك ما يخدموش..
تولّي ترصيلك تستنّى للإثنين (بالنسبة للّي فايقين بالـtruc)..
و في غالب الأحيان يصبو بالجمعة.. خاطر يعرفو أصحاب الشهاري فالسين وما ينجّموش يصبروا للإثنين وديراكت يمشيو يجبدوا فلوسهم.
✓ البلاد هاذي ما تنجّمش تعيش فيها مرتاح إلا ما تبدى فاهم القانون ( منقول ).
