البلدان التي يمكن زيارتها بدون فيزا من تونس

⭕️ برشة قالولي أحنا نحبو نسافرو أما المشكلة هي الvisa.. أيا سيدي ! Passeporna الأخضر في المرتبة 56 عالميا والأول مغاربيا وينجم يهزك ل62 بلاد من غير فيزا.. حبيت نعاونكم وحاولت نقسمهم ل des catégories باش نسهللكم الإختيار ..
* البلدان المتقدمة إلي ما تصدقش لي هوما sans visa :
1- كوكب اليابان: Le pays du soleil levant.. إي نعم بابا.. تنجم تمشي وتتمتع بالمزيج الunique متاع الHistoire, الAuthenticité والتكنولوجيا والتقدم.. عندك الحق تقعد 3 شهور.. كول الSushi وإنويلي معاك..

2- كوريا الجنوبية: Le pays du matin calme .. من Séoul ل Busan لجزيرة الأحلام Jeju Island , مرورا بالzone démilitarisée بين الكوريتين.. تنجم تقعد 3 شهر.. أنا مشيتلها ونأكدلك من أقوی البلدان إلي تنجم تمشيلهم..
😚 هونغ كونغ: الصين بالVisa أما تنجم تمشي لوحدة من أقوی مقاطعاتها وتستمتع بالles grattes-ciel متاعها ..
4- ماكاو: كيف كيف.. من أغنی المقاطعات الصينية
5- البرازيل: بلاد الSamba والقهوة والموزيكا والجو اللاتيني.. بلاد عملاقة علی جميع المستويات.. 3 شهور sans visa..
*البلدان العربية:
6- 3 شهور في الجار الجزائري من وهران لجبال الHoggar والصحراء..
7- الجارة ليبيا
8-المغرب: 3 شهور عندك الحق.. مشيتلها والمتعة فيها garantie من طنجة للعيون..
9-موريتانيا: off the beaten منpath.. فيها بلايص يفتقو وموش غالية جملة وكيف كيف 3 شهور..
10- الأردن وعجيبة البتراء.. عندك الحق في شهر

11- جزر القمر: بلاد عربية ياسر مزيانة .. جوهرة المحيط الهندي.. عندك الحق في شهر
*بلدان قراب لأوروبا ولا في أوروبا:
12- تركيا: موش لازم نحكي عليها.. 3 شهر..
13- صربيا: يوغسلافيا سابقا والبنة متاع Belgrade.. باهية للي يحب يحرق زادة أما ديما فما questionnaire في المطار..
14- جورجيا: visa électronique ساهلة ياسر juste تعمر formulaire.. بلاد ياسر شبابة في قلب القوقاز..
15- أذربيجان: visa délivré à l’arrivée ب100 دولار تاخو شهر.. بلاد في القوقاز زادة وطالعة إقتصاديا مالبترول..
*بلدان أمريكا الجنوبية:
16- بوليفيا وبحيرة تيتيكاكا الأسطورية وحضارة الانكا.. visa délivré à l’arrivée ب53 دولار متاع 3 شهور ..
17- الإكوادور: الريق اللاتيني بكلو .. 3 شهور وما تدفع حتى فرنك..
18- الBelize: بلاد فتوق في قلب أمريكا الوسطى.. عندك الحق في شهر..
*البلدان الأسيوية:
19- أندونيسيا وال2000 جزيرة متاعها.. شهر ب25 دولار تاخوها في المطار وتتمتع بBali وجاكرتا..
20- ماليزيا: 3 شهور والبنة متع ses îles paradisiaques وكوالالمبور..
21- الفليبين: 3 semaines.. وحدة من أزين البلدان في جنوب شرق آسيا..
22- منغوليا: بلاد جنكيز خان.. بلاد الsteppes تنجم تعمل فيها أقوى randonnée équestre في حياتك..
23- النيبال: 40 دولار في المطار تاخو visa بشهر.. أعلی بلاد في العالم.. بلاد الهملايا وEverest.. le toit du monde.. بلاد روحية بإمتياز..
24- بنغلاديش: الهند الصغيرة ودلتا الغانج الأسطورية..
25- طاجيكستان: جوهرة طريق الحرير وأسيا الوسطى.. عندك الحق في شهر ونصف..
26- لاووس: رخيصة ياسر وشبابة ياسر للي يحب aventure في الindo-chine .. في المطار تاخو visa بشهر ب30 دولار..
27- كمبوديا: الخمير الحمر والمعابد الي في وسط الغابات المطرية.. ياسر رخيصة بالنسبة للتونسي.. 30 دولار تاخو visa في المطار بشهر..
28- تيمور الشرقية: بلاد في أقصى الأرخبيل الأندونيسي.. تنجح..
*البلدان الإفريقية:
29- مالي: 3 شهور.. دورة في باماكو وطلعة ل Tambouctou.. مدينة في Patrimoine culturel de UNESCO
30- السينغال: Dakar وريقها.. والHumour sénégalais unique
31- الكوت ديفوار: 3 شهور.. البنة متاع خليج غينيا..
32- غينيا: 3 شهور.. من أحسن ما تشوف في إفريقيا الغربية..
33- غينيا بيساو : بلاد صغيرة à découvrir
34- النيجر: بلاد ثاني أكبر نهر في إفريقيا.. للي يحب يعرف الصحراء من جزئها الجنوبي..
35- رواندا: بلاد الألف هضبة.. المعجزة الإفريقية.. وعاصمتها Kigali أنظف مدينة في إفريقيا.. visa ب25 دولار في المطار
36- أوغندا : 6 شهور في المطار الvisa ب50 دولار.. بلاد بحيرة Victoria الأسطورية منين ينبع النيل..
37- تنزانيا: بلاد الكيليمنجارو والسافانا.. بلاد Zanzibar وأقوى safari في العالم.. visa ب3 شهور ب50 دولار في المطار..
38- الموزمبيق: visa délivré à l’arrivée ب25 دولار.. بلاد hors des sentiers battus في ال Afrique australe.. les vestiges portugais et les plages vierges
39- زمبيا: الشلالات لي تحبس المخ .. بلاد ال Mangroves.. الفيزا ب50 دولار في المطار
40- الطوغو: بلاد calme et authentique في خليج غينيا.. visa ب60000 فرنك إفريقي تتعطى في المطار..
*جزر paradisiaques .. époustouflants.. كيما تراو في الcarte postale .. متاع voyage de noce.. باش Ncitihom:
الرأس الأخضر- المالديف- الدومينيكان- السيشال- الموريس- Barbade- Grenade- هايتي- Montserrat- Saint-Christophe-et-Niévès – Saint-Vincent-et-les-Grenadines – Îles Turques-et-Caïques- Îles Vierges britanniques- فيدجي- Micronesie- Kiribati- Îles Cook- Palaos- Vanuatu- Tuvalu- Niue
طوا ماعادش تقولولي مشكلتنا في الVisa.. سافروا.. السفر مدرسة.. متعة.. لي ما سافرش ما عاشش.. عندك فلوس الbillet كهو سافر وفما ألف طريقة باش تاكل وتبات بلاش غادي..
#Travelling #Passion #TunisianPasseport #Visa #پاسپوري_الأخضر